హాయ్ అర్జున్

హాయ్ అర్జున్
సుస్వాగతం . ఎలా ఉన్నావు ? అమ్మ ఒడిలో హాయిగా నిదురపోతున్నావా ? నాన్న కబుర్లు కి " ఊ" కొడుతున్నావా ? నీ చిలిపి చేష్టలుతో అమ్మా , నాన్నలని ఆడిస్తున్నావా ? తాతా ,అమ్మమ్మలిని ఆనందపరుస్తున్నావా? నీ బుజ్జి బుజ్జి చేతులని నాన్న పట్టుకుంటే బాగుందా ? అమ్మ లాలీ పాట విని మైమరచి పోతున్నావా ? నీ కను సైగలతో చిచ్చు పోసానని తెలుపుతున్నావా ? అన్నీ అయ్యాకా నేనే విజయము సాధించానని నవ్వుకుంటున్నావా ?
నేను పుట్టి అందరిని పెద్దవాళ్ళని చెసేసానని అనుకుంటున్నావా ? పెద్దనాన్నలు ,పెద్దమ్మలు
ఇంకా నన్ను చూడటానికి రాలేదనుకున్తున్నావా ? మామ్మా ,తాతయ్యా ఎప్పుడు వస్తారని ఎదురు చూస్తున్నావా ?
వస్తున్నాం , వస్తున్నాం త్వరలోనే . నీ చిన్నిచిన్ని చేతులని ,బుజ్జి ,బుజ్జి పాదాలని , సోగకన్నులని , నీవు
నేర్చుకున్న విద్యలని చూడాలని మాకు ఉందోయి .అందుకే ఆనందాల రెక్కలతో ,హరివిల్లుల ఆకాశపు అంచులు దాటి నీ దగ్గరకు వస్తున్నాము అతిత్వరలోనే .
నీ తాతయ్యా , మామ్మా .